Գագիկ Սարուխանյանը ծնվել է 1978 թվականին Հայաստանի Վանաձոր քաղաքում, որտեղ էլ ստացել է նախնական կրթությունը:

1991 թվականին՝ 13 տարեկանում, ստանալով կրթաթոշակ, ուսումը շարունակելու նպատակով տեղափոխվել է Իտալիա: Իտալիայում ավարտել է Վենետիկի Մուրադ-Ռաֆայելյան հայկական վարժարանը:

2001 թ. ավարտել է Տրիեստեի համալսարանի Գորիցիայի մասնաճյուղի միջազգային և դիվանագիտական գիտությունների բաժինը: Իր գիտական աշխատանքում անդրադարձել է

«Անդրեվրոպական միջանցք հ․5» -ին և դրա իրականացման հետ կապված քաղաքական և տնտեսական հետևանքներին:

Ձեռնարկատիրական կարիերան սկսվել է 2004 թ.-ին ՝ ավտոմատացման ոլորտում, այնուհետև ընդլայնվել 2009 թ․-ին ՝ իտալական հայտնի ապրանքանիշների հագուստի արտադրության Sartis Srl- ի ծնունդով, որը տարիների ընթացքում համաշխարհային շուկայում տեղադրել է բարձր

տնտեսական արժեք ունեցող միլիոնավոր հագուստներ՝ «Պատրաստված է Հայաստանում»

Ներկայումս Sartis-ը  ղեկավարում է Հայաստանի տարբեր քաղաքներում տեղակայված երեք գործարան` շուրջ 3000 աշխատակիցներով:

2006 թ․-ից մինչև 2019 թ․-ը զբաղեցրել է «Apindustria Venezia» Փոքր և Միջին Արդյունաբերությունների Ասոցիացիայի Փոխնախագահի պաշտոնը, որից հեռացել է Հյուպատոս նշանակվելուց հետո։

Տարիներ շարունակ բարեգործական նախաձեռնությունների համար տրվել են մի շարք մրցանակներ, որոնք ուղղված են եղել հայկական մշակույթի և ավանդույթի խթանմանը

Հայաստանի առաջխաղացման գործում՝ մասնավորապես մշտապես աճող որակով և բարձր տեխնոլոգիական զարգացում ապահովող հագուստի ոլորտում արդյունավետ և բեղմնավոր դերակատարման համար պատվավոր հյուպատոսն արժանացել է բազմաթիվ պատվոգրերի:

2017 թ․-ին ՀՀ Նախագահի կողմից պարգևատրվել է Երկրորդ աստիճանի մեդալով ՝ տնտեսական և սոցիալական ոլորտում տրված ներդրումների և Հայաստանում աշխատատեղեր ստեղծելու համար:

04.09.2019թ․-ին Իտալական Արտաքին գործերի նախարարության կողմից նշանակվել է Վենետիկում Հայաստանի Հանրապետության պատվավոր հյուպատոս։

Տիրապետում է 4 լեզուների ՝ իտալերեն, հայերեն, ռուսերեն, անգլերեն: Ամուսնացած է, երկու դուստրերի հայր: